Lo de l`anulación del PGOU pol TSJA constituye un nuevu escándalu xudicial nel Ayuntamientu Xixón. Nesti casu, amás, la cuestión ye munchu más grave por dos razones: pon en peligru munchos bienes, munchos empleos y munches tranquilidaes; demuestra que la mayoría socialista-estradista desprecia dafechu la llei, porque ¿cuántos informes en contra nun teníen enantes de decidir tirar pela cai del mediu y esperar que nun pasare nada? Yá se ve que, pa socialistes y comunistes amarutaos, la llei nun tien ningún valor.
De pasu, too ello vien echar más sospeches enriba un plan que taba yà enllenu d`elles. Pero d`eso vamos falar otru día.
Agora lo que quiero señalar ye l`episodiu más cómicu, que paez de monólogu: la salida a la calle de don Jesús Morales que, amás de chase enriba él tola culpa (¿los demás nun votaben?, ¿los demás callaren como afogaos? ¿los demás nun teníen opinión? ¿los demás nun taben?), acusa a los primeros recurrentes triunfantes de que "buscaban su propio beneficio". ¿Entós que ye? ¿Van buscar el de don Jesús? ¿O ye que ta prohibío defendese o buscar el beneficiu propiu? ¿O ye que PSOE y IU nun buscaben el beneficio propiu (polo menos el de los votos y los sueldos y el poder a ellos arreyaos) cuando axitaben l`espantayu de l`ínterés social pa espropiar a los ciudadanos y facese así con unos votos a costa de los espropiaos?Ayuntamientu Xixón: tan inútiles como torgaos; tan destructores d`emplegu como gastadores de lo que nun ye suyu.
No hay comentarios:
Publicar un comentario