Acaba d'asoleyase'l númeru XI de Bedoniana, anuariu de San Antolín y Naves. De xuru qu'en tol Occidente (y probablemente en tol mundu) nun hai una revista qu'amesture con esa perfección l'interés de los artículos, l'amor polo microllocal y la calidá d'edición. Y a eso hai qu'arreyá-y la so continuidá nel tiempu, continuidá, además, que se pruduz resistiendo los cachones de la política a la que nun-y gusta qu'esistan coses y persones que nun se sometan a ella, que por cierto ye la mayoría de la política de los políticos y de los partidos políticos (yo tengo l'enfotu en nun caer nello y préciome de talo).
Además d'invitalos a lleer esti númeru y los atrasaos, quiero sorrayar una frase d'un artículu de Francisco Crabifosse Cuesta n`"Ante San Antolín de Bedón. El testimonio fotográfico de Rodolfo Castellanos".Nun momentu determináu del artículu cuenta'l fracasu de la revista Asturias Gráfica, allá hacia los años venti del sieglu pasáu, y diz: "no halló, como tantas otras iniciativas contemporáneas, la respuesta de un público poco dado a las novedades y a la defensa de lo propio".
Poco dado a las novedades y a la defensa de lo propio: ehí ta una perbona definición del "alma asturiana", del calter asturianu: misoneísmu y pasotismu/indiferencia hacia lo que ye de so.
No hay comentarios:
Publicar un comentario