Acaba de facese pública la enésima sentencia xudicial escontra l`Ayuntamientu de Xixón en relación colos funcionarios y los altos cargos. Como toles anteriores, señalen que`l PSOE crea los cargos pa un perfil determináu d`amigu y dempués dalos como-y paez. IU, ensin embargu, tan amiga de la xusticia (XUSTICIA, con mayúscules) y de los trabayadores (TRABAYADORES, tamién con mayúscula)calla como un afogáu.Brad Pitt pasó periquí, per Avilés, y naide entruga cuánto costó la broma propagandística. Munches perres, de xuru. Pero IU nun espatuxa, como espatuxó cuando se publicara aquel famosu Asturias, siglo XXI. Calla como un muertu.
Lo de los sobrecostos d`El Musel ye yà un escándalu que pasó delles vegaes peles Cortes, y del cualu`l ministeriu de Fomentu y don José Blanco nun sólo nun quieren saber nada, sinón que disparen -a medies cola FSA- contra`l gobiernu Areces. IU ta más callada que la Levinsky cuando, agachada embaxu la mesa oval, ocupábase en saca-y a Clinton manches p`adornar el so vestidu.Tanto silenciu nun partidu xusticieru y combativu como IU sólo tien una desplicación: tienen una enfermedá pergrave de garganta. Por eso, pa que vuelvan falar y cantar, ¡AMOXICILINA A EMBUTE! Pa que curen.
¿O va ser que tienen la boca tan ocupada que tienen mieu empapiellar si la abren?
No hay comentarios:
Publicar un comentario