¿Saben ustedes sumar tanto ensin calculadora? Pues pueden facelo. ¿Cuántes vegaes nos mintió caún d'estos individuos diciendo que l'esfuerzu fiscal diba ser sólo pa los ricos: Zapatero, de la Vega, José Blanco, Leire Pajín, Elena Salgado, José Antonio Alonso...? Tol PSOE que tien accesu diariu a los micrófonos. 
Agora multipliquen pol númeru de vegaes que nos mintió caún. ¿Cuánto ye? ¡Una desinfinidá, una imalia! Pues eso ye: mentires pa los bobos que quieren dexase engañar. Súbenlo too: el IRPF, l'IVA, los intereses poles cuentes del bancu, la gasolina, el tabacu..., por ciertu, como yo yá anunciara'l el 17/06/09, nun ensiertu que pueden ver equí con fecha 18/06/09 y 13/09/09. ¿Y quién lo paga? ¿Los ricos? Fundamentalmente los trabayadores y les clases medies.
Esto ye'l votu al PSOE y el zapaterismu: engañu en beneficiu de los que viven del negociu y dañu pa toos, trabayadores, asalariaos, clases medies.
Yá saben pa qué llevantaben el puñu en Rodiezmo: pa suxetar bien el chollu, que nun-yos caiga de les manes.
No hay comentarios:
Publicar un comentario