El Gobiernu central afirma que va facer un esfuerzu d'austeridá y que los nuevos presupuestos pal añu 2010 tienen un recorte de casi'l 4%. ¿Y eso qué significa? Porque los d'esti añu, el 2009 duraren sólo 16 díes, yá qu'esi día de xineru, el 16, yá saliera una rectificación nel BOE. Y, además, el déficit de los mesmos (esto ye, lo que se previó ingresar de menos y la estramadura ente lo previsto y non recaudáu) va acercase al 11%. ¿Qué ye entós lo que se recorta? O meyor, que parte de lo que nun se pudo facer porque nun había perres se recorta? ¿O recórtense les previsiones d'ingresu que yá tan recortaes? ¡Palabrería pa engañar bobos que quieren dexase engañar!
Y ye eso lo que quiciabis resuelve'l misteriu de Laura y Alba, les fíes de Zapateru: nun ye que-yos guste vestir asina, con esi mandilón de xateru que llamen góticu, ye que van asina obligaes poles circunstancies: teniendo que vivir añu tres añu al pie d'una calabaza güeca que s'ilumina a sí mesma dende dientru, piensen que tol añu ye difuntos, y, poro, van adaptaes a la circunstancia. Esto ye, son orteguianes declaraes: elles son elles y la circunstancia'l padre. Y d'esa dialéctica del "yo" y la calabaza y de onde sal el mandilón de xateru.
1 comentario:
"esi mandilón de xateru que llamen góticu"
Esi mandilón sedrá de difuntos pero nun tien caspia nin güel a rancio.
Y depués quexámonos de porqué nun nos voten nin los xateros. De que te voten los góticos nin falamos claro, porque la xente mozo tamién vota y tendría que votar asturiano, pero con esti percal...
Publicar un comentario