Dicen en Llastres, los organizadores de les fiestes, pero tamién munchos ciudadanos d`a pie, que la prohibición del Gobiernu asturianu de soltar coríos na dársena del puertu pa depués coyelos los espectadores y da-yos premios a los que los atrapen, dicen, digo, que ye un abusu y un actu d`hipocresía.
Que ye un abusu porque eso de que "los coríos sufren un estrés insoportable" (como diz la carta que "Pistón" anda enseñando-y a tol mundu) ye una babayada. Y que meyor se dedicaben los gobiernos y los parlamentos a arreglar lo del paru (y lo del puertu Llastres y la so baxadera) y non a tocar los coyones a la xente normal.
"Pistón" (y decenes de ciudadanos, llastrinos y colungueses) atestonen que sueltes de coríos vienen celebrándose dende`l sieglu XIX, polo menos, en tolos puertos asturianos (añado yo que yá les describe Palacio Valdés) y qu`inxamás se supo de que muriera un coríu d`un bálamu provocáu pol aforfugu.La xente de Llastres (y otros munchos ciudadanos de Colunga) califiquen too esto d`hipocresía, porque s`entruguen: ¿Entós qué ye? ¿Que los toros -que tan permitíos- nun sufrén afoguín y estrés na plaza toros? ¿Entós ónde ta la diferencia?
Dellos de los organizadores tán pensando en, pal añu que vien, facer una suelta de toros na dársena, tiralos al agua y ¡a pillalos! o ¡a baderillealos! ¡Como los toros nun sufren aforfugu, y su lu sufren da igual, porque son España!
A mí, cuando me lo dicen, yo siempre suelto lo mesmo: yo nun los voto (a los toros non, a los que dan cornaes a los que los voten).
1 comentario:
Don Xuan como sabe usté yo soi de Vega y dentro de la parroquia ta el poblao de La Camocha. Equi en La Camocha les fiestes (cuando les había - decayeron gracies al mínimu interés y a la manía de poner trabas e imposciones por parte del Ayuntamientu, continuamente a les fiestes de prau o de barriu, cosa que por otra parte nun pasa pa cola Selmana Prieta-)la comisión fizo un concursu que se llamaba "La piesca'l gochu" que consistía en untar a un gochin de grasa y cogeleu (el que yera quien a garralu quedábase con gochu y un xamón. Bien, pues unos iluminaos llamaos ecoloxistes denunciaron a la fiesta que-y cayó una multa bastante gorda.
Pero ya ve, estos son los ecoloxistes que callen colos toros nes fiestes de Begoña...
Imaxino que sean tamién esos verdes que estan con Izquierda Unida, sí esos que se oponen a los toros pero en cambio apoyen al réximen del PSOE, que son los que lleven mas de 30 años implantando eso que llamen "fiesta" de los toros.
¡Puxa l'ecoloxismu y los puestinos!
Publicar un comentario