La decisión de facer un nuevu hospital na Cadellada fue una decisión probablemente enquivocada y, dende llueu, terriblemente costosa, nun sólo por cómo se dispararen los costos sobre les previsiones iniciales, sinón porque, al mesmu tiempu, hai que caltener durante munchos años les instalaciones actuales. 
Ello como quier que sea, nel añu 2002 el Gobiernu del PSOE (que preside, de momentu, el califa Areces, non en qu'aspira a ser califa envede'l califa, Javier Fernández) repartió, como preparación de les elecciones del 2003 un lluxosu y costosu folletu onde apaecía'l nuevu hospital como si yá tuviere llevantáu.Pasaren ocho años (¡ocho!) y nun sólo l'hospital nun ta fechu y en marcha, sinón que (sobre les perres y los sobrecostos, repito) a cada triquitraque apaecen nuevos datos que nos confirmen que la improvisación y la chapuza son les formes típiques d'actuar (y d'esbandayar o marafundiar) d'esti partíu-gobiernu.
Asina sabemos agora que nun sólo nun ta fecha la canalización del gas pal nuevu hospital, sinón que, hasta agora, nun s'alcordaren d'ello y de qu'agora entamen los proyectos.
De la mesma forma, sabemos tamién que la conesión ente la AS-II y el nuevu HUCA nun ta nin diseñada, colo que l'empodrellamientu de coches y el retrasu de les llegades de les urxencies ta servidu.
Y más. Yá-yos vamos dir dando cuenta.
¿Qué forma de gobernar y tirar les perres ye esta? ¿Ye esti el "votu útil"? El que tenga oreyes p'atolenar, qu'atolene. Sólo queden yá los díes que se ponen ehí al delláu, coles sos hores sates y los sos minutos.
No hay comentarios:
Publicar un comentario