Estimáu:Vo ver si m'esplico meyor:
Les coses del mundu son entidaes reales, yá sean oxetos, yá constructos de cultura. Agora bien, cuando eses coses esisten -son reales- pueden manipulase, sobreponese, y ver si les formes, tamaños, densidaes, etc. de les mismes son coincidentes, si s'atraen o repelen, etc.
D'esi mou una formación política puede rechazar les propuestes d'otra porque cree que, en cuanto tales, esto ye, en cuanto "oxetos" sometibles a manipulación y comprobación nos sos efectos sobre'l mundu real, son refugables, yá porque vayan contra la mayoría, yá porque vayan contra la parte particular qu'esa fuerza política diz defender.
Dotramiente, ye posible dar por bonos o malos los concretos elementos que conformen los respectivos conxuntos que -de forma más bien mui imprecisa- podíen caer embaxu'l nome d'ideoloxía. Porque si la ideoloxía ye daqué, ye (constituye) un conxuntu de proposiciones, afirmaciones, análisis, etc. Agora bien, si la ideoloxía ye sólo'l nome (la etiqueta) que-y damos al caxón o conxuntu, entós la ideoloxía nun ye nada, ye un ente metafísicu, un conxuntu vagu o, inclusu vaciu, un purtu "nome".
Ye evidente que, d'esa forma, les "ideoloxíes" nun pueden ponese d'alcuerdu nin en todo nin en parte sobre'l mundu, porque, entendíes asina, nun contienen ningún elementu real o concretu del mundu, más que la so etiqueta en cuantes denomación d'un conxuntu inaveriguable o vaciu, cuya única rasgu esistencial, entós, aparte la propia palabra que la denoma, ye la negación del otru o los otros.
Pero eso, que pa munchos ye la política, nun ye más que metafísica con deletéreos efectos sociales (inclusu, pa aquellos particulares a los que s'atribuye la virtú y cualidá de defender y amparar, pero que, en realidá nun tien otra virtú que la de saca-yos el xugu, esto ye, el votu, y, a través d'el, el poder).
Per otru llau, gracies pol recuerdu les clases y pola llectura la novela, qu'espero, como parez entendese, que ta prestando.
Al mou clásicu, non asturianu: vale.
No hay comentarios:
Publicar un comentario