Nel 2007 y nel 2008, como nun berveneru, PSOE, IU y PP fervíen al rodiu de la palabra «Estatutu», L'Estatutu yera lo más importante qu'había pal futuru d'Asturies y corría una priesa enorme. Nun momentu determináu, inclusu, Ovidio Sánchez llegó a decir qu'ellos «queríen un estatutu con unes competencies como'l catalán».En realidá ningún tenía ningún interés nel Estatutu, como, en xeneral nun tienen dala esmolición polos asuntos de los asturianos (salvo los que son parte del so negociu o sofitu del so votu). Pa PSOE y IU tratábase, ná más, de cubrir la operación del Estatut y de dar cobertura al atropellu que, al través d'esi testu se nos facía; pal PP, seguir la estratexa xeneral d'oposición al PSOE que dende Génova-yos mandaben; esto ye, pa toos ellos la so esmolición yera cumplir col so papel, el qu'acostinen voluntariamente y el que-yos manden: «facer de palafreneros de los sos señoritos de Madrid y del restu d'España».
Y, agora, una vegada que'l testu catalán yá salió alantre (al marxen de lo que faga'l Constitucional) y que los sos intereses yá tán cumplíos al través del nuevu modelu de financiación que nos espetaren en contra del nuestru interés, ¿qué coño-yos interesa a PSOE, IU y PP l'Estatutu asturianu? Pues lo que siempre-yos interesó: nin un res.
Pero nun s'esmuelan, cuando-yos vuelva venir bien (cuando-yos lo manden o permitan, en realidá) van volver a ximielgar l'espantayu estatutariu. Y hasta, otra vegada, volverán sacar infelices y bona xente a la calle pa sofitar los sos intereses partidarios y tratar d'atropar votos.
No hay comentarios:
Publicar un comentario