Una de les coses más inritantes y esmolecedores de les caberes selmanes fueron les manifestaciones d'agresividá y sectarismu na rodiada de la ficha pol Sporting del uvieísta Michu, agora nel Celta. Que la rivalidá futbolística y ente ciudaes tenga un daqué de pique y gracia pa chistes, pase. Que sea una muestra del fanatismu y la ceguera personal, permalo; un pretestu p'amenaces personales, pésimo.Y a ello podemos arreyá-y lo que-y ta pasando a otru asturianu, Adrián Colunga, nel Recreativo de Huelva, tamién insultáu y amenazáu, él y la so familia.
Ehí, nesi mundu de violencia y intolerancia, ta guarándose'l güevu la serpiente. Porque esi fanatismu violentu nun ye distintu del fanatismu relixosu o del políticu. Sólo que, en daqué medía, la xustificación pal mesmu ye menor: una caxigalina, una identidá basada na nada.A los dirixentes de los clubes de fútbol hai qu'esixi-yos medíes y pedíos responsabilidaes.
No hay comentarios:
Publicar un comentario