Más sobre les llaceries de RENFE y ADIF

Contaba ayer los problemes que tuve'l sábadu 9 na estación de Renfe n'Uviéu y cómo, de la misma manera, otres persones nun pudieren pasar pelos tornos porque nun-yos lleíen el billete.

Al ensiertu contéstame don Luis Simón Albalá Álvarez, responsable de cercaníes Asturies, presentando disculpes.

Ún agradez la rapidez de la reacción y de l'atención, pero sigue manifestando la so preocupación por dos coses:

a) Porque paez frecuente esi fallu de llectura nos tornos, lo qu'ocasiona, nel so casu, pérdides de tiempu (a vegaes, munchu), incomodidaes, etc.;

b) Porque nun paez haber nunca o casi nunca un responsable a mano que supervise'l funcionamientu de los tornos pa solucionar les dificultaes nel momentu.

Como preba d'esa frecuencia del problema llanto equí'l testimoniu de Xilón, que punxo un ensiertu nel mio guañu contando la so esperiencia. Al final, vien l'ensiertu de don Luis Simón presentando disculpes, lo que vuelvo agradecer.

Xilón dixo...
Hola Xuan :
Esto mesmo que cuentes pasóme a mi nun va muncho tiempu . A mas d'esto , el siguiente tren que garre venía hasta los topes , colo que tuvi que dir de pie hasta Llugo de Llanera.Pa terminar cuando llegues a destino en Xixón , otra vuelta a meter el dichosu billete pela maquinina (2 minutos de cola pa salir de la estación) . Como taba hasta los coyones y soi partidariu de protestar pacifica pero por escrito siempre pa que les coses meyoren , pues fici una reclamación a pesar de toles vueltes que me ficieron dar pa desanimame . Na mio reclamación además de pone-yos los fechos , daba-yos el mio paecer pa meyorar delles coses , como que'l billete d'ida y vuelta te valiere pa tol día (nun se que sentíu tien si non la veda).Tamién yos dicía que podíen suprimise non los tornos sinón el tener que meter el billete nos mesmos al llegar a destín (que sentíu tien si ya lu pasasti pa entrar al tren ) . A mas d´esto Tamién yo comentaba que teníen que tar atentos y poner mas vagones a demanda de la xente qu'hubiere ya que lo que nun me paecía normal yera pagar 5 euros pa venir de pie la metada del viaxe , pudiendo venir sentáu n'autocar por 4 euros . Pa terminar comentaba-ys que yo garraba'l tren , por delles coses , una porque gasta enerxía llimpio y porque ye un mediu de tresporte publico . La carta de contestación a la mio quexa nun tien desperdiciu , pero pa nun m'allargar mas veníen a dicir que "ye lo qu'hai y si nun te presta pues a rascala" mas o menos , colo cuál dende entós nun volvi garrar mas el tren , nin tengo pensao facelo , voi n'autobús aforro tiempu y dineru . La veda hailos que paez que trabayen pal enemigu .
Un saluduos coridales.
12 de enero de 2010 15:33

Luis Simón Albalá Álvarez dixo...
Buenos díis, Don Xuan Xosé, prestaríamo abondo contestai en asturiano, pero tengo mieo meter la pata.
Soy el responsable de reclamaciones de Cercanías-Asturias y me pondré en contacto con Vd.
Intentaré darle una explicacion/justificación/excusa por este medio.
Salud
12 de enero de 2010 13:34