Ya ven ustedes pa lo que sirve'l Plan E, pa colocar muries o bancales de cementu nes playes, nesti casu, na Isla.
La verdá ye qu'una parte de los trabayos que se tán faciendo va tar bien: a la escalera yá peracabada del centru la playa va sumáse-y un caneyín peonil a la vera'l sable, pa que los peatones puedan circular ensin el riesgu de los coches. Y eso ta, repetimos, perbién.
Lo que ye yá más discutible ye esa muria, llarguísima, que, a mou de poyu, allugaren na parte de la manzorga y que, dende hai tiempu, venimos denunciando varios.
Si entovía la recubrieren de materiales nobles y d'estética valoratible, como azulexu, per exemplu, entovía. Pero yá verán cómo non.
Y, per otru llau, ente la lluvia y el fríu, esi muriu va ser poco útil como escanu y bancu durante tolo añu -enxertu ehí'l veranu-. Dende llueu nun podrá entrar -pola so dureza, pola so frialdá, pol so calter de tar albentestate- na ería d'aquello qu'Ángel González denomaba "inventario de lugares propicios para el amor".
No hay comentarios:
Publicar un comentario