El desastre de la economía y del paru

Escepcionalmente, y dada la gravedá de la situación, repito equí les cifres del paru, que los dos gobiernos del PSOE, el d'equí y el d'ellí, y tol PSOE (y IU) traten de disimular, como si nun fuera con ellos, como si nun fueren ellos responsables d'esi desastre d'una manera importante, como si nun llevasen gobernando equí y nes principales ciudaes d'Asturies dende 1979, como si nun tuvieren recibío miles de millones d'ayudes, como si nun tuvieren tolo poder nes sos manes.

El paru (EPA) algama les 68.600 persones en 2009.

El desempleu rexistró nel Principáu un incrementu del 40,15% al respective del 2008, perriba la media nacional, que fue del 34,87%. La tasa de paru n'Asturies ye del 14,24%.

El 2009 dexó n'Asturias 19.600 parados más en relación a 2008, lo que supón un incrementu del 40,15%, seis puntos más que en toda España, onde la subida fue del 34,8%, según datos de la Encuesta de Población Activa (EPA) que publica güei l'Institutu Nacional d'Estadística (INE).

En comparanza col trimestre anterior, ente ochobre y avientu del añu pasáu el númeru de desempleados creció n'Asturies un 5,3%, al sumar 3.500 personas más. Esti porcentaxe supera al rexistráu nel conxuntu'l país, onde l'incrementu fue del 4,9% (203.200 nuevos desempleados).

Esto son los ésitos del Gobiernu PSOE-IU, pese a los sos alcuerdos n'Aceba, pese al progresivu endeldamientu presupuestariu: Ye que nun pueden, ye que nun saben, ye que-yos falten les habilidaes.

O, n'otres palabres, nun son el problema pero son parte'l problema, y, dende llueu, inxamás van ser la solución del problema.

Esto ye: NUN SON EL VOTU ÚTIL, SINÓN EL VOTU INÚTIL (salvo que'l deséu del votante sea la ruina pa él, pa los fíos y pal país).