Ayer, vienres, fízose entrega a la empresa ZITRÓN del galardón como "MEYOR EMPRESA ASTURIANA DEL 2009". El galardón ye un reló en madera fechu por Andrés y Blanca, de NUADA, artesanos del país.
ZITRÓN ye'l duodécimu galardonáu con premiu talu, que vien dando'l PAS desde desayaque.
Nel actu tuvieren presentes otros galardonaos anteriores, como Ángel de la Fuente Alegría, de TALLERES ALEGRÍA, y Emilio Serrano, de DESTILERÍAS LOS SERRANOS. También miembros del xuráu del premiu, como Guadalupe Gómez Fouz, Rocío Ardura o Ovidio de la Roza.
Acompañamos dos semeyes de la entrega del galardón a Antonio Fernández-Escandón Ortiz, dirixente de la empresa, que taba acompañáu d'otros socios, directivos y empleaos de ZITRÓN.
Nuna fai-y entrega de la pieza artesanal Xesús Cañedo Valle, Secretariu Xeneral del PAS, na otra ta'l Presidente, Xuan Xosé Sánchez. El que recueye'l premiu ye Antonio Fernández-Escandón Ortiz.
No hay comentarios:
Publicar un comentario