Apoyu a la candidatura de Llastres como "Pueblu Exemplar"

Personalmente, lo mesmo que al PAS, paezme una idea magnífica la de postular a Llastres como candidatu a "Pueblu Exemplar", candidatura que tán afalando y sopelexando persones y grupos sociales de Llastres. Porque, aparte de la so guapura urbanística y monumental, la villa llastrina tien tamién l'encantu la so xente, de tan especial sociabilidá, que permite caltener fiestes y tradiciones que n'otres partes hai dificultaes pa caltener.

Dalgunes manifestaciones culturales de los caberos tiempos, además, tanto impreses como d'otra mena, afiten esa especial sociabilidá llastrina que los fai ser unos bonos candidatos al galardón que la Fundación Príncipe empobina.