El blog de Xuan Xosé: Zapatero nel pais de les pesadielles: España y Europa

Hai munchos problemes (y poques soluciones inmediates) pa la crisis que ta esvaciándonos, pero ún de los mayores ye'l factor políticu. Pa dexar la nuestra quintana, hai que señalar qu'una de les coses que nel esterior más plasmen de la situación española son los problemes qu'afala'l bloque social-discursivu del PSOE, especialmente, nel so acendramientu nefelibáticu que ye'l zapaterismu: l'optimismu patolóxicu (los "camientos alucinaos", sería una bona traducción), la negación de la realidá evidente ("la psicosis alucinatoria", diba ser tamién bona torna), y la inhibición y pasividá n'espera de momentos meyores. Esto fue asina dende siempre, especialmente dende'l primer gobiernu psoe-zapateril. Lo qu'ocurre ye qu'agora, llevando la presidencia europea, vése-yos (vésenos) más (si quieren recordar el chiste pueden ver el mio guañu del 16/01/10, "¡Colo mal que folla...!).

Cómo nos ven dende fuera pueden amiralo nel corrotáu artículu de Wolfgang Münchau, asoleyáu nel prestixosu Financial Times: Survival tips for Europe

Lleánlu con atención porque, amás les cuestiones relatives a España, analiza les posibilidaes d'intervención dientro la UE, asina como sobre'l papel del Bancu Central Européu y la so inmediata evolución.

Y, como siempre, P'ASTURIES, ENTÁ PEOR.

PD: el diariu económicu EXPANSIÓN fizo una torna al español del artículu de Wolfgang Münchau col clarificador títulu de "España es ahora el principal riesgo para la eurozona"

3 comentarios:

pachu dijo...: Con esti comentariu, ya ta fechu'l trabayu por Asturies?..Ye tou lo que fai daquien, que quier ser votau??
Onde tan les alternatives pa sacar Asturies del pozu???
Asina quede como taba ,sin ver la llu que tien que salvar Asturies!!; 9 de febrero de 2010, 9:44
unu dijo...: Cómo ye esto de que'l PAS-URAS nun ta pola oficialidá??? Has d'esplicánoslo Xuan:

"...Per otru llau UNA quier espresar la so indignación con PAS- URAS que se negó a sofitar la moción demostrando una vegada la política nes antípodes del asturianismu que tien esta coalición en Carreño. Xuan Rodríguez recordó que Joaquín Rodríguez, conceyal d’URAS-PAS que ya fue conceyal en Carreño na etapa preconstitucional, siempre actúa con indiferencia o mesmamente belixerancia énte cualquier iniciativa d’UNA que pida la oficialidá del asturianu o la normalización de la llingua asturiana nel conceyu y yá nel 2007 PAS-URAS negóse a sofitar la ordenanza de normalización de la llingua. La so xustificación nesti casu de l’abstención foi que “no estoy de acuerdo en darles más capacidad a los entes autonómicos..."

Sacao de http://unida.as/index.php/as/component/content/article/1-noticies/292-carreno-refuga-la-mocion-de-una-que-plantegaba-la-necesida-de-la-reforma-del-estatutu; 9 de febrero de 2010, 10:17
pachu dijo...: Asina mesmu ye,les coses mas clares non poden ser!!
Ye dificil creyer,que non voten del llau'd la UNA, si ye pola oficialida de nuesa LLingua...
Onde ta la xuntanza que hai que tener??Si non se fai un garapiellu asturaniegu!!Non mos quexemos que la Llingua non seya oficial.
Que sigan xantando les sos fabes,nes les eleciones van ver el resultau!!; 9 de febrero de 2010, 11:59