Vuelve'l PSOE a atestongar con Sama-La Velilla y a pedir responsabilidá pa que se faga la llinia. ¿Fai falta decir que fueren durante quince años los alcaldes socialistes de L.lena (incluidu Hugo Morán, qu'agora espatuxa y espreceta), Mieres y Ayer los que s'opusieren a la llinia? ¿Fai falta decir que, en toles elecciones, el PSOE tornó a poner al frente de les respectives llistes electorales a los mesmos alcaldes que s’oponíen?(¿Por qué, envede «responsabilidá» nun piden «responsabilidaes», a ellos mesmo, a los sos alcaldes y a los sos votantes?)
¿Fai falta repetir que ye’l PSOE de Lleón el que s’opón a Lada-La Velilla y Zapatero’l que los sofita?
¿Fai falta decir que son dellos de los intelectuales-ximielgadores del PSOE los que s’oponen a la llinia?
¿Por qué creen que somos toos tan tontos como lo creen?
(Por ciertu, verán que digo «llinia», non «trazáu»).
No hay comentarios:
Publicar un comentario