Si vustedes busquen la etiqueta "AVE" o la de "votu al PSOE", van atopar ensiertos que van dende'l 20/03/10 al 28/04/09. En toos ellos hai tres idees, la primera, qu'a los asturianos van danos puxarra, un Ave peor que'l de los demás; la segunda qu'eses son les consecuencies de votar a un partíu que mexa enriba los asturianos una y otra vegada; la tercera, que, de xemes en cuandu, ministru o xerente empresarial, vien de Madrid dalgún altu responsable pa reíse de los asturianos y pa mentinos.Esta vegada l'encargáu de facelo fue, una vegada más, don Josiño Blanco. De la so visita despréndese que:
1) Vamos tener un Ave (un "paxarín", en realidá) que va dir a 180 km/h de media, mentantu, por exemplu, el catalán yá lo fai en 250.
2) La velocidá comercial prevista pa Uviéu-Madrid va ser la más curtia de toles de les llinies en funcionamientu.
3) Prométenos que l'Ave va tar en Xixón pal 2015, cuando, pa esa fecha, nun van tar nin siquier acabaos los trabayos d'obra civil.
Nuna palabra, vien a reíse de nosotros y unos apláudenlu y ríen-y les gracies en persona (con Javier Fernández-Iznogud en primer términu) y otros van reíles con retrasu, volviendo a votar a los que nos vienen mexar na cara y llamanos tontos metanos los focicos.
No hay comentarios:
Publicar un comentario