La comedia del transporte escolar

El gobiernu asturianu tien una enorme capacidá pa la comedia y la representación. Tamién pal engañu. Xulguen:

De sutaque, la selmana antepasada, la patronal del transporte escolar reclama que se faga efectivu un alcuerdu del 2008 que'l gobiernu venía incumpliendo. A lo llargo la selmana pasada el señor Riopedre y otros miembros del gobiernu saquen los focicos, finchen el pechu y proclamen a los cuatro vientos que "inxamás, inxamás", que "nun van ceder al xantaxe" y otres babayaes d'esa mena. Dempués, los transportistes amenacen con un paru, aconcéyense y el gobiernu reconoz que debe unos tres millones d'euros, unos 750.000 al añu. Dos díes dempués, el conseyeru vuelve salir y diz que nun ye tanto, que ye un poco menos de los 750.000 euros que diz la patronal.

¡Yá ven! ¿Qué-yos paecen toa esta falta de seriedá, esta falta chapeta y estes bocayaes?

Yá saben: votu útil y votu progresista.