Nel mio artículu Cantando el pío, pá (ver nesti blog l'ensiertu del 03/05/09) comentaba cómo, dende'l neolíticu, nunca fuera tan grande la resquiebra ente xeneraciones y cómo, probablemente, yera imposible que faláremos la misma llingua (esto ye que nos refiriéremos al mesmu mundu real y emocional) les nueves xeneraciones y nós, yá que los datos inmediatos de la percepción (arreyaos durante sieglos al mundu natural y rural) y les emociones y saberes a ellos amestaos teníen desapaecío, yeren por completo desconocíos. Señalábalo a propósitu del total desconocimientu ente alumnos de diecisiete años de lo que ye un xugu o de lo qu`estrema "toru" y "güe" y de los valores esperienciales, simbólicos y emocionales qu`uníamos con ellos. Facía eses considerances a propósitu del poema «Vientos del pueblo», de Miguel Hernández, que, polo dicho enantes, yeren incapaces d`entender na so más elemental -y fundamental- significación.Aporto agora un nuevu testimoniu, que me manda`l mio amigu y magníficu collaborador Lluis Ánxel, pegollu fundamental de tola nuestra presencia n`internet:
«Llevo tola selmana con ganes de facete un comentariu sobre l’escelente artículu qu’escribisti la selmana pasada.
La dixebra xeneracional, cultural, o de pasáu y presente ye un tema que llevamos falando en casa fai una temporada, por una riestra de anécdotes con Aida.
Cuéntote la última.
Taba lleendo con Aida «La pequeña cerillera» d’Andersen …y con seis añinos, ¡¡ nun sabe lo que ye “UNA CERILLA” !! …dexome ablucáu, pero espliquéselu y creo que lu entendió.
Pero una vez acabáu’l cuentu, volvió a sorprendeme con una entruga tan cenciella como interesante:
«Papá ya entiendo cómo son les cerilles … ¿pero? … ¿pa qué sirven? ¿pa qué diba querer comprales la xente?»
Porque sinceramente….. ¿por qué daquién normal (como nosotros por exemplu) dibemos querer facer fuego? ¿pa qué lo necesitábemos?
Pa rematar, en casa nun había cerilles ….. nin recordábemos la última vez que les hubo.
Da que pensar….como bien dices nel to artículu
Saludos,
Lluis»
La dixebra xeneracional, cultural, o de pasáu y presente ye un tema que llevamos falando en casa fai una temporada, por una riestra de anécdotes con Aida.
Cuéntote la última.
Taba lleendo con Aida «La pequeña cerillera» d’Andersen …y con seis añinos, ¡¡ nun sabe lo que ye “UNA CERILLA” !! …dexome ablucáu, pero espliquéselu y creo que lu entendió.
Pero una vez acabáu’l cuentu, volvió a sorprendeme con una entruga tan cenciella como interesante:
«Papá ya entiendo cómo son les cerilles … ¿pero? … ¿pa qué sirven? ¿pa qué diba querer comprales la xente?»
Porque sinceramente….. ¿por qué daquién normal (como nosotros por exemplu) dibemos querer facer fuego? ¿pa qué lo necesitábemos?
Pa rematar, en casa nun había cerilles ….. nin recordábemos la última vez que les hubo.
Da que pensar….como bien dices nel to artículu
Saludos,
Lluis»
No hay comentarios:
Publicar un comentario