La imaxen d'Areces dando una rueda de prensa dempués del triunfu del Sporting nel vestuariu d'El Molinón ye la cosa más bufa y caradura que se tenga visto en munches décades. De mano, ocúrrese-y a ún aquella vieya anécdota d'El Manquín y la entruga que-y llanzaren dende'l gallineru n'aquella famosa ocasión que saliera dar desplicaciones nel escenariu del Dindurra:
-Manquín, ¿yes empresariu?
Anque, más bien, viendo la ocupación de los medios, l'emplegu de la TPA pa la propaganda propia a toes hores, apetez entruga-y:
-Vicentín, ¿yes Berlusconi?
Por cierto, norabona al Uviéu pol so ascensu y al Sporting por seguir.
A ver cuándo n'Asturies podemos rebiyar y retoriar pel prau nun pa celebrar que nun morremos, sinón que ganamos títulos y copes.
No hay comentarios:
Publicar un comentario