Johnlenneando

Imaxina que tienes un gobiernu

que ye gobiernu,

que envede babear delantre l'amu

de Madrid, y de decir "sí Bwana"

a too lo que-y manden,

defende los votantes.

Imaxina qu'envede votar

porque votó to padre o porque

pasó les caín to güelu,

abres los güeyos

y mires si convién o nun convién

que siga gobernando'l que t'engaña

o que, a cencielles, nada nun fai

como nun sea comer y cobrar

a fin de mes.

Imaxina

qu'un día pones na calle al que t'engaña,

al qu'emplega'l to votu

pa correr a llevalu, al catalán, al vascu, al gallegu, al extremeñu,

al serviciu siempre d'un amu

que nunca pintes tú, el que-y lu diera.

Imaxina que pienses

que ser d'esti país que nun ye poco:

nun ye ser menos qu'un barriu de Madrid

o de Sevilla o de auquiera.

Qu'hai naciones y pueblos más pequeños

o casi tan pequeños,

que nun ye'l so tamañu lo que los fai,

sinón la voluntá de ser, de querer ser.

Imaxina,

que yes un ciudadanu,

home o muyer,

rapaza o rapazu,

qu'esixe ser tratáu n'igual respetu

que se trata a los otros,

n'igual derechu.

Imaxina

que quies a la to tierra,

les sos xentes,

el verde de los praos, la piedra

de les torres, la sufrida madera de los horros,

el color abuxáu de los picos desnudos,

esos ríos pequenos que van dar

a esa mar tantes veces encesa;

la llingua y los nomes de la tierra,

onde fueren a dar

tantes vides a lo llargo los sieglos

hasta facela nuestra.

Imaxina

que yes un asturianu,

que yes una asturiana.

Imaxina.