Ayer tuvo n'Asturies el Vicepresidente terceru, Chaves, pa tratar de la (des)financiación autonómica d'Asturies, dientru la so ulisíada per España.Areces, don Vicente Alberto, y el PSOE ficieren como que nun taben d'alcuerdu. ¡Pura comedia! Yá anunciamos fai tiempu, como pueden recordar -más de tres años- que yera la parte qu'agora tocaba: volver a tratar d`engañar a los asturianos, como si ellos (FSA-PSOE, Javier Fernández, Areces, diputaos y senadores socialistes) nun fueren responsables del escesu de financiación a Cataluña, Andalucía, Valencia, Canaries, etc.
Como tol mundu recuerda, dende l'añu 2003 vienen impulsando, aplaudiendo, sofitando y votando, la sobrefinanciación de Cataluña y d`Andalucía (ente otros) dende'l Manifiesto de Santillana (30 de agosto de 2003).
Agora los impulsores y responsables traten de volver a engañar a los asturianos (y, especialmente, a los sos votantes), pa facer ver que nun sólo nun tienen ellos la culpa, sinón de que van oponese ferozmente a lo que decida Zapatero, o sea, a lo qu`ellos yá decidieren.
NOTA IMPORTANTE PAL ILUSTRADOR: NUN CONFUNDIR LA FOTO DE CHAVES Y ARACES COLA DE FURACU Y TOLA, ESA VA N`OTRU ENSIERTU.
No hay comentarios:
Publicar un comentario