Teníalo anunciao'l 27/03/09 (ver l'ensiertu d'esa fecha) y repetío'l 01/06/09 nesti blog: lo de la playa La Griega diba ser un desastre de proporciones colosales, igual que lo fue lo de la playa Vega y otres.Y ye que la política del PSOE ye siempre la mesma: contra los trabayadores y les clases medies, eso sí, nel nome del ecoloxismu, la naturaleza o la "economía caltenible", nun importa. Ellos siempre tomen medíes que perxudiquen l'ociu de los que nun tienen otru desplazamientu que'l fin de selmana y les cercaníes. A fin de cuentes, si son probes y nun pueden dir a la República Dominicana, a Tahití, a México o a la Patagonia, ¡allá ellos!
Esi ye'l votu útil de que tanto presume tanta xente al día siguiente cuando cree que ganaren "los
suyos", cuando, en realidá, ganaren los sos enemigos.Por ciertu, l'ensiertu ta afaláu por un amable comunicante, que me dexa la noticia de La Nueva España del martes 23 -entitúlase "La Griega, caótico estreno del verano"-.
Pasen y vean. ¡Y pensar qu'un inocente empresariu pensó que lu diben dexar facer un aparcamientu (porque-y dieren palabra, nun crean, y amarradinos a un roble y tou)!
No hay comentarios:
Publicar un comentario