Na Nueva España de Xixón José Sirgo asoleya un problema que vien creciendo ensin aparar nos últimos tiempos: el de los cciclistes qu'invanden con total impunidá y de forma abusona los espacios de los peatones, poniéndolos en peligru.
La cuestión ye que'l ciclista (especialmente'l ciclista en bici que nun ye de carrera) vien convirtiéndose progresivamente nun ser intocable afatáu con una especie de bondá metafísica que-y vendría d'una especie d'amiestu de mística ecoloxista-antiautomovilística y anticapitalista. Y, naturalmente, amarutáu con estes pseudovirtudes de la moral social zapaterina vien ser un "fantasma que percuerre aceres y siendes peatonales". Naturalmente, puestes asina les coses, les llamaes autoridaes nun quieren nin mirar pa eses infracciones y la policía tien orden d'afuxir en cuantes vea un problema.
Víctimes, los peatones, y especialmente, ñeños y vieyos.
Y, yá lo van ver, el descomanamientu va dir a más.
9 comentarios:
Sensacionalismu puru y duru!!!,
Vamos echar les culpes a la xente que anda en bicicleta como mediu de transporte nes ciudaes( que n'Asturies ye irrisoria), y vamos a ignorar a les autoridades competentes pa facer normatives y carriles especialmente habilitados pa les bicicletes..., meyor coyemos todos el coche, unu por persona claro, y depues cuando temos todos nun atascu n'avenida Santarder quexamonos, pitamos y cagamonos en too...,
Caro ho, si lo qu'hai que facer ye xugase la vida pola calzada colos coches, en doble y triple fila si fai falta. Hai que tener los güevos bien pelaos pa dicir esto. Si la culpa la tenemos los que vamos en bici.
Cuando enriba de too, hai en too Xixón por exemplu, dos carriles bici y la metá de les vegaes ta invadíu por peatones dando'l paséu porque debe presta-yos dir más pol carril bici, teniendo la so zona más qu'amplia (del rinconín a la lloca, exemplu)
En fin, envede facer más porque la xente vaya en bici, y dexe'l coche, vamos da-yos a los ciclistes, por intentar nun ser atropellaos.
Amás sinos ponemos a dicir tonteríes, ahí va otra. Pueu quexame yo cuando voi corriendo pol muru san llorienzu, y cualquier persona que lleva perru con correes d'eses qu'estiren y que nun mira pal perru nin de coña. Dexa la correa suelta, colo que se cruza'l putu perru de la que pases y l'ostión que te metes cola correa nun te lo quita naide.
Como dixo'l d'antes Sensacionalismu puru y duru!!!
ḥoḥo, agora dir en bici ye ser zapaterista progre!! nun m'esperaba un argumentu más de 'mundo viejuno'. ¡Esta fola de biciclitismu que nos invadeee!
Lo que ta claro ye que un paisanu nun pue dir por una acera que mide dos metros y medio en bicicleta, que nun será la cabera vegada que s'atropeya a una venerable paisanina por dir por onde nun hai que dir. Lo que hai que facer son carriles bici, no dir poles aceres.
Los que dexen los comentarios nun debeiron lleer o comprender bien el comentariu porque viendo lo que se diz. Que no haya carriles bici no xustifica que tengas que dir pola acera en bici.
La bicicleta ye'l exe del mal, andar en bici ye de ecoloxistes satánicos, hai d'escomulgalos a tous darreú.
Y qu'a naide se-y ocurra dicir qu'hai de facer mas carriles bici pa facer mas cohabitable la ciudá, nin que ye un un mediu de tresporte mas coherente, ¡non!. A la foguera colos ciclistes.
Norabona, si lo que quería yera llevartar polémica.
gustaríame a mi ver que ciclistes van pola acera. xente en bici de carreras o MTB nunca los verás. dalgun guah.ete colo monty típica y la gorra de llau de xuru que si.
Pero a esos zapatero-yos la sopla, porque se la sopla hasta los sos pas.
Lo dicho, la entrada del blog ye una soberana gilipollez, porque a lo meyor tendría que dir en rellación cola educación que lleven esos guah.es
Va abondos años que teo coche, hai cuasi tres años que voi a trabayar en bici y dende l'añu y mediu de vida soi un peatón que fai usu de l'acera. Con esto quiero dicir que teo los tres puntos de vista y pueo empatizar colos tres.
Pero una cosa hai que tenela nidia, y ye que'l númberu de ciclistes muertos atropellaos por coches cada añu ye considerable, al igual que los peatones atropellaos por coches. Ye pescanciable que los ciclistes busquen refuxu nes aceres.
Como diz Berto Xuan, tendría mas xacíu falar d'educación vial y non señalar col deu acusador a los ciclistes.
Nun hai meyor mediu de tresporte pa les ciudaes que la bici. Si n'Ámsterdam o Barcelona sofítase y ye viable la bici, n'Uviéu y Xixón dexuru que tamién.
Como usuariu y llector d'esti blog vais permitime facer unos comentarios. Estimáu Berto Xuan: La Entrada del blog nun creyo que seya una soberana "gilipollez" como tú dices (si tan mala ye nun se pa que t'esmolezes en retrucar y retrucar), el argumentu ye perclaru y la denuncia que fai esi home en LNE, tamién.
A esi anonimu invito-y a que ponga el nome, nun se a quien a se refier. Igual soi yo mas ecoloxista que él.
Creo que lo que se debe fomentar ye'l transporte públicu y facer carriles bici, aunque una cosa ye perclara (y lo repito) que no haya carriles bici no xustifica que tengas que dir pola acera en bici.
Si paezme perbien lo que dices. Amás ye que yo nun voi pola acera cola bici.
Colo que prestaríame saber a quien se refier y de que tipu de ciclistes tamos falando. Como dixe enantes de xuru que ta falando de guah.es con gorrilla y faciendo'l fatu pola acera.
Esos si que nun respeten, y de xuru que llevarn a dalguien por delantre, toi d'alcuerdu. Pero d'eso a metenos a toos nun sacu, y nun se que de zapatero, que nun vien a cuentu, paezme pasáse abondo.
En fin, creo que pasamos más peligro pola calzada nosotros colos coches y retrovisores de camiones y furgonetas rondándome la tiesta, que non porque te pase un manillar al llau del cadril a dos por hora.
En fin, nun se pue xeneralizar y menos montáse una paya mental de tales característiques como se montó X.Xosé.
Un saludu
Publicar un comentario