Como ye sabío, dempués de milenta años de retrasos, en Llastres ta entamándose la última fase de recuperación del cascu hestóricu, que correspuende al barriu d'El Piqueru. Pues bien, ente otres, van quedar espantibles chapuces como esta de la qu'agora doi cuenta. Tou un caneyu fechu un bardial, con una muria esboroñada, les sos murueques pel suelu y, sobre tou, col riesgu que que'l camín que se ta enllabanando enriba (o "enllouxando", que la empresa ye de Cangas de Narcea) argaye en cualquier momentu.
¿La razón? La de siempre, la falta perres.
Pero hai que sorrayar que la obra tien cuatro años de retrasu y que los encargaos del proyectu pasaren perillí toos esos cuatro años. De mou y manera que la necesidá (la ruina de la muria ye de desayaque) de la reparación de la muria y la igua de toa esa zona perconocíase, asina que nun hai disculpes que valan. Nun hai más qu'incompetencia, inutilidá y despreciu a los ciudadanos.
Per otru llau, l'horru que se ve nuna de les semeyes, que ta tamién en peligru de venise abaxu, fue ofrecidu pola propietaria al Ayuntamientu tamién cuantayaque. ¿La rempuesta? La del surdu al que-y pide perres prestaes un morosu habitual.
2 comentarios:
ya yera hora xuan que te moyares manin
ya yera hora que te moyares manin
Publicar un comentario