Don José Luis vuelve facer coses rares. Esta vegada fue nun conceyu de socialistes de tolo mundu onde decidió decir una d'eses frases que naide sabe, en sentíu racional, qué quier decir. Lo que vino a sopelexar fue una especie d'amenaza-requisitoria contra los mercaos: ¿Quién son ellos pa deci-yos a los gobiernos lo que tienen que facer cola delda, y menos pa valorar la delda, si ye boroña o ponxa? Y que, además, recordaren que los gobiernos punxeren les perres pa salvar a los mercaos de la ruina.
En fin, nun fai falta esclariar que lo que fixeren los gobiernos (unos más y otros menos) fue, primero, a través de los bancos centrales, da-y ensin parar a les perres puestes en circulación pal endeldamientu xeneral (y pal crecimientu xeneral) durante diez años en casi tolo mundu. Y que, dempués, lo que ficieren fue poner les perres pa les entidaes financieres, pa los bancos, non pa los mercaos, que son el sistema o, por meyor decir, parte'l sistema.¿Tochín dafechu? Non. Porque él sabe que les sos palabres valero-cabalístiques sirven de viagra escitativu pa los de so, que son l'oxetivu únicu y final de tola política socialista.
2 comentarios:
Amen a tolo dicho nesti post menos nuna cosa ...
Zapatero nun sabe y nun entiende caen-y osties y nun sabe d'onde y vienen o el porque ... Nun ves que se refier a los mercaos comu si fueran un paisanu individual que lu persigue a el ... Ordeno y mando ... Comu si fuera lo mesmo que el! ZP, una volunta unica ...los mercaos son tolo contrario son la suma de voluntaes llibred de millones de persones que decide llibremente (cuando non los manipulen los gobiernos) que facer coles sos perres ... Y estes persones ven con preocupacion que el nivel de gastu d'espanha y ven que se incrementa el riesgu de que un dia nun paguemos y por eso nos piden mas intereses por prestanos ... Ye loxico y ye la rialida, los dos peores enemigos d'un zp
Correccion ... Acabo relleer efectivamente la cuestion nun ye que ZP sepa o non que lo que diz ye una babayada (y yelo) verdaderamenta da-y igual , les sos palabres tan exclusivamente orientaes a ximielgar les emociones d'aquellos que comparten la fe socialista ...
Publicar un comentario