Un grupu de persones pídenme que ponga equí un arreyu cola candidatura d'Uviéu pa la capitalidá cultura d'Europa nel 2016.
Que conste que yá critiqué mui duramente'l xuegu que tanto'l Gobiernu como l'ayuntamientu Avilés y el de Xixón tuvieren col asuntu la capitalidá cultural: yá sabíen los tres nun solo que la cadarma la candidatura conxunta nun tenía viabilidá; del mesmu mou que los tres taben xugando al puru entretenimientu, ensin ningún interés na candidatura, entre otres coses porque ningún d'ellos cree n'Asturies nin na so cultura.
Pero l'ayuntamientu d'Uviéu tampoco yera inocente: sabía de sobres lo inconveniente la candidatura conxunta y tamién taben xugando a "facer que facemos" y perdiendo'l tiempu. De mou y manera que, dende un puntu de vista prácticu, tolo que se ta faciendo agora nun ye más qu'espatuxar pa disimular pecaos anteriores y, además, ensin perspectives de ganar.
Esto ya lo tengo dicho nos mios insiertos del 27/02/2010 y del 22/03/2010.
Pero, en tou casu, que nun se diga que dende equí nun apoyamos la candidatura d'Asturies fecha al través l'ayuntamientu ovetense, porque, anque la posibilidá a estes altures de facer algo ye prácticamente igual a cero, nada que sea en beneficiu y honra d'Asturies tien que senos ayeno.
En tou casu, quier ún sorrayar que nun fai como don Francisco Álvarez-Cascos, que previamente apoyó la candidatura de Santander y sólo agora, al ver que ye únicamente de Gabino, pasa a apoyar la d'Uviéu. Ún, al contrariu de don Francisco, nun tien más patria nin más compromisu qu'Asturies, y, por eso, entá sabiendo la casi inutilidá d'esti actu y volviendo sorrayar la culpa de Gabino de Lorenzo y del PP (xunto con Álvarez Areces, Varela Díaz, Fernández Felgueroso y el PSOE) en tou esti desastre, paso sofitar la candidatura y pongo equí un arreyu pa ello, como me piden, al grupu FACEBOOK "Uviéu capital europea de la cultura 2016"
Porque, si puede sonar la chifla, que nun dexe de facelo pol mio xiplíu.
8 comentarios:
Puedes mandarme a la porra o donde quieras pero que te parece si contemplas la posibilidad que el logo vernáculo debajo del lema diga en bable desde nuestra cultura, en ves de con la nuestra cultura, piensalo, no tiene ninguna importancia pero me pareció que tendría más fuerza.
Tranquilo Ismael, nun te mando a ningún lláu.
Y préstame que participeis comentando.
La to propuesta ye "interesante" pero trae lo que quixi dicir.
Sin duldes el llogu oficial debería facelu'l mesmu profesional qie fizo'l primeru, respetando la toponimia, el sentíu común y la Llei (como deberiera tener fecho dende'l entamu)
meyor: "cola nuesa cultura"
meyor "cola nuesa cultura"
meyor "cola nuesa cultura".
pido disculpes por poner dellos comentarios colo mesmo. Yá esborrié dos d'ellos pero los de "anónimo" nun se dexen esborriar.Creyía que nun se cargaben y yo venga da-y a la tecla.
Publicar un comentario