Agitprop

Convergència i Unió (CiU) acaba d'asegurar que'l gastu en publicidá del departamentu que dirixe Carme Chacón representa cuasi'l 60% del dineru que l'Estado destina a esti apartáu.

Nos Presupuestos Xenerales del Estáu (PXE) de 2010, esti Departamentu dedicaba a "publicidá y propaganda 15 millones d'euros, d'un total de 25 millones que gastaríen toles secciones del presupuestu".

Nos PXE de 2011 el presupuestu que Defensa dedica a "publicidá y propaganda" continua siendo xenerosu enforma, ya que supera los 9 millones d'euros.

Josep Antoni Duran i Lleida, voceru de CiU nel Congresu, tien esti ensiertu nel so blogue:

« [...] La ministra de Defensa, Carme Chacón, nun solo incumple la llei de publicidá institucional coles sos campañes, sinon qu'intenta a traviés d'elles facer aquello que quedaramos que nun se podía facer que ye autobombu de la so xestión y del so Ministeriu.

Nun creo que naide pueda decime nengún tipu de política concreta que lleve a cabu la ministra de Defensa que seya puramente y estrictamente'l seguimientu de les decisiones de la cúpula militar. Eso sí, hai que reconocer que tolo que fai referencia a la propaganda llévalo de maravilla. Supongo que forma parte del so plan ocultu -respetable, por ciertu- pa intentar ser un día candidata pol PSOE a la presidencia del Gobiernu d'España. Candidatura que, por ciertu, yo al menos nun acabo de ver cuayar nos ámbitos socialistes. Pa ser candidatu necesitase dalguna cosa más que gastar dineru en propaganda.»