El blog de Xuan Xosé: PSOE: casting, repartu, producción: "Yo me lo guiso..."

La familia aconceyada: Iván Allende, Jesús Sanjurjo, Rubén Menes, José Manuel Sariego y José María Pérez. [Semeya de Juan Plaza pa LNE]

Ya nes pasáes elecciones propusimos soluciones pa la "semana negra" (ver EQUÍ)

Nel 2008 denunciamos los insultos y les amenaces (ver EQUÍ) del señor Sarigo (conceyal) y del señor Taibo (organizador).

Nel 2009, los nuestros rapazos de Xuventú Asturianista, oponíense a llevar la "semana negra" a terrenos de la Universidá, y al tiempu señalaben el papel de palmeros y encubridores que taben faciendo les mocedaes del PSOE pa tapar les verguences de los sos mayores (ver EQUÍ).

Pero lo d'esta selmana ya baltó tolos records de cara dura y engañu a los vecinos.

Dempués de la negativa de los vecinos, de la comunidá universitaria y de les asociacioness xuveniles a la ubicación de la "semana negra" (ver EQUÍ posicionamientu de Xuventú Asturianista), l'Ayuntamientu de Xixón fai un conceyu-pantomima cola "Xunta directiva del Conseyu d'Estudiantes de la Universidá" y con gran espectáculu de semeyes y titulares periodisticos los estudiantes desmarquense del rector, estudiantes, otros colectivos xuveniles y vecinos. Salen satisfechos de la reunión, dan el beneplácitu al Ayuntamientu y declaren contundentemente:

«Damos por zanjada la problemática de la Semana Negra. Damos un voto de confianza al Ayuntamiento»


Preparándose pa mayores. [Semeya de Daniel Mora pa LVA]

L'esmolecimientu xeneral con esta "escena de sofá-cama" ye por varios motivos:

El posicionamientu d'estos tres presuntos representandes estudianteles, fízose ensin tener consultáu al muerganu de decisión de los estudiantes, esto ye al «Plenu del Conseyu d'Estudiantes».

Los tres rapazos son militantes del PSOE a traviés de "Juventudes Socialistas».

Asina que, cuando ente los de la casa, dicen aquello de que «damos por zanjada la problemática de la Semana Negra. Damos un voto de confianza al Ayuntamiento», col tonu del que diz "Roma locuta, causa finita", lo que dicen -en realidá, nel significáu real de lo que dicen- ye "tu pónesme les fabes tolos díes en platu, yo agradézotelo diciendo "que bonu ye mio pá, que nun piensa más qu'en tol vecindariu cuando me pon les fabes en platu a mí".

Pero nun ta mal, que ta na tradición universitaria aquello de los "goliardos", estudiantes que cantaben lloes al que-yos chaba un garitu pan y un tragucu sidre (anque, estos, sidre, sidre, será difícil).