Acabo de relleer De senectute. Ye la tercera vegada na vida que lo fago. La primera tendrálo sido hacia los dieciesiete, la segunda hacia los cuarenta. La tercera agora.
L'aspectu que me parez más sobresaliente ye, dende'l puntu vista lliterariu, la simplificación estructural: del pesadísimu sistema del diálogu platónicu, enllenu d'entrugues y respuestes, equí'l diálogu queda reducíu a una presentación inicial y el restu reduzse a l'argumentación continua del principal personaxe, Catón, que, al marxen de decir el so discursu va retrucando a los planteamientos iniciales o a les posibles obxeciones.
Polo demás, l'ensayu (que güei podíamos metelu ente les obres que se califiquen como d'autoayuda) tien el valir pragmáticu-consolador que tienen toes estes obres: mientres ún nun ta somorguiáu nos problemes físicos o económicos de la vieyera, el llibru ofrez consuelos teóricos, que dempués, en llegando al problema, nun sirven de verdá pa nada, salvo si ún, pol so calter, yá ta dispuestu a conformase o consolase, al marxen de los argumentos o teoríes coles que pudiere xustificase.
Ente les cuestiones que pueden apuntase como llamatives ta la llamada al exerciciu de la memoria como forma d'entrenar el cerebru, una teoría tan de güei:
"Aut memoria minuitur. Credo, nisi eam exerceas aut etiam si sis natura tardior."
A lo que sigue la capacidá de reconocer nomes y cares que tenía Temístocles, esi modelu de políticu:
"Themistocles omnium civium perceperat nomina."
Polo demás, como en toles grandes obres del pasáu podemos atopar apotegmes de calter sentenciosu, como'l "Nemo enim est tam senex, qui se annum non putet posse vivere", que tien parangón col nuestru "tan aína va'l corderu como'l carneru".
Agora bien, como decíemos enriba, toes estes argumentaciones, consuelos o apotegmes valen lo que valen, esto ye, valen como retórica o como argumentación que sofita una postura o un discursu previu. Por exemplu, frente al consuelu qu'ufierta la sentencia enantes dicha,
No hay comentarios:
Publicar un comentario