Pedagogía: entre la dictadura y la nada

Nel suplementu cultural d'ABC del 14/02/09 Andrés Ibáñez, na so habitual sección de Comunicados de la Tortuga Celeste, asoleya un artículu-ensayu sobre la pedagoxía que termina asina:

«El gran enemigo de la pedagogía no es ese profesor vago, anticuado y que «se niega a cambiar» que es, en gran me­dida, una creación mitológica de esa nueva forma de fanatismo dictatorial que se llama «pedagogía». El verda­dero enemigo de la pedagogía es el buen profesor, el profesor que tiene experiencia, amor por lo que enseña, un estilo propio y una personalidad carismática. Ya que el gran sueño de la pedagogía es la homogeneización radical y el control. Que todos hagan lo mismo, que todo sea «objetivo» y que todo esté controlado.

La pedagogía nada tiene que ver con la enseñanza, sino más bien con la burocracia y con la burocratización de la vida. Los pedagogos son burócratas enamorados del papeleo, de los procedimientos, de las ordenanzas, de las normas, de los memorandos, de las reuniones, de las encuestas, de las estadísticas, de la «estandarización», de la ter­minología pedante y rebuscada. Lo peor de la pedagogía es el horrible aburrimiento que causan todas sus memeces. Lo peor de los pedagogos es que han obtenido carta blanca pa­ra aburrir hasta la muerte a toda una "generación".»

Puede contase meyor entovía: Oculta ente ñubes (camienten vustedes, si quieren, una nebulosa d'estrelles y, si non, la borrina o les ñubes envolviendo permanentemente El Sueve o los Picos), ensin ver nin un solu día'l suelu, vive una tropiella de burócrates, políticos y "espertos n'enseñanza" qu'inxamás pisaren les clases. Allá na so distancia, camienten cómo será'l mundu y cómo serán les aules. De xemes en cuandu apórten-yos roídos y rumores d'allá, del suelu, quicabis estampaníos como truenos. Dueños de tol poder, coles vides y col tiempu de los d'embaxu nes sos manes, camienten pa éstos soluciones que nun tienen más sofitu que'l so propiu caprichu o la so propia ensoñación.

Como non pueden entrar en contactu cola realidá nin colos mortales (más propiamente, impórten-yos un pitu), mánden-yos de mensaxeros los sos Mercurios y los sos Iris en forma de normes, papeles, formularios, teoríes..., producciones toes que nada tienen que ver col mundu nin colos homes, pero qu'ellos estimen como LA VERDÁ y EL CAMÍN. Entamada esta ficción, lo qu'esperen ye que'l mundu-yos devuelva la so respuesta pelos mesmos Iris y Mercurios: los papeles rellenos, los formularios cumplimentaos, les teoríes aplicaes y les palabres siguiendo l'aldu de les teoríes.

Y asina, la ficción va realimentándose como si fuere una verdá absoluta o tuviere que ver cola realidá o colos problemes reales de la xente real.

Nesti camín nos vienen empobinando les autoridaes educatives y les teoríes pedagóxiques dende fai más de venti años.

Eso sí, estos rapazos del PSOE ponen munchu más enfotu nello, manden munchos más Iris y Mercurios, son entá más sordos al ruxerrux y les voces que desurden del suelu. Y ye fácil de talantar por qué: en parte pola so incompetencia e incapacidá, pol so desconocimientu de la realidá; en parte pola componente autoritaria que calteriza al socialismu, tanto mayor cuanto mayor ye la so inseguranza psicolóxica al tar alloñaos de la realidá.

De mou y manera que ta produciéndose nes últimes décades -especialmente n'Asturies- un corrimientu hacia'l roxu de los estamentos superiores educativos, lo mesmo los profesionales que los políticos. Esi corrimientu hacia'l roxu non lu tengan vustedes por una mena d'acendramientu no qu'ellos creen les sos señes identitaries de color, el del tomate maduru, el de la menstruación. Non: Ye, cenciellamente, la manifestación del efectu Doppler pol so progresivu alloñamientu, que va superando yá la velocidá de la constante de Hubble.