Fai munchu tiempu que vengo diciendo que nel nuestru país llexíslase coles... témpores, que vien ser una forma educada de decilo. Llexíslase al dictáu de la moda, de la histeria del momentu, de la presión de grupos d`interés, y, siempre, ensin tener en cuenta les consecuencies de lo llexislao nin les repercusiones de los testos llegales nuevos sobre la normativa anterior.
Asina, lo establecido nel códigu Belloch, el llamáu babayamente "Código Penal de la Democracia" (estes babayaes hai que deciles en castellán), modifícase diez vegaes en menos de nueve años, porque, entre otres coses, a aquellos fenómenos progremier escaézse-yos llexislar sobre esplosivos o delitos sesuales contra menores.
La riestra de disparates d`esta mena ye enorme, pero abonda con ello.
Ponemos equí lo último, el casu de la madre sordomuda que-y pega una mormiellada al fíu y al que la llei la obliga a separtase del ñeñu durante meses, condenándola, de pasu, a cárcel. ¡Cómo será la llei qu´afala la sentencia que los mesmos sentenciadores, el tribunal qu´emite`l fallu axustáu a llei, PIDE L`INDULTU NA MESMA SENTENCIA POR PAECE-Y UN DISPARATE.
¡Y los caradures d`ellos siguen sentaos nel Congresu! ¡Y los ciudadanos votando con entusiasmu a los mesmos que-yos dan pataes en culu!
No hay comentarios:
Publicar un comentario