500 díes

Como diz el calendariu avisador que, dende fai tiempu, acapia a los llectores d'esti blog ehí, a la derecha de la so vista, y afálalos a meditar sobre'l futuru, queden quinientos díes (500) pa les prósimes elecciones autonómiques y municipales.

500 díes son pocos y son muchos, pero, dende un puntu de vista práctica ta yá ehí el plazu final, tán ya ende les elecciones.

Les coses qu'hai que camentar son poques. Podemos sustanciales nesto:

• a) ¿Estos partíos (los que gobiernen y los que nun lo faen) tienen realmente dalgún interés polos sos votantes, polos asturianos, o'l so centru d'atención ta más bien centráu en facer lo que deseen en Madrid (o en Cataluña o n'Andalucía o en Valencia...).

• b) ¿Estos partíos creen de verdá que los asturianos somos igual que'l restu los ciudadanos del estáu o piensen que, a fin de cuentes, somos un poco de segunda categoría?

• c) ¿Estos partíos son capaces d'enfrentase a los sos xefes de Madrid pa defender a los que los voten, a los asturianos, o non?

• d) A Asturies vienen llegando, nos últimos 20 años, miles de millones: d'Europa, del Estáu, del propiu presupuestu asturianu. ¿Emplegárense bien o mal? ¿Tirárense y despilfarrárense o emplegárense bien?

• e) ¿Asturies gana posiciones con respectu a otres comunidaes o piérdeles? ¿Va meyor l' empléu o peor? ¿Trabaya más porcentaxe de muyeres o menos? ¿Ye altu'l sueldu mediu o baxu? ¿Tienen qu'emigrar los mozos o non? ¿Tenemos más población activa o menos que los demás?

• f) ¿Estos tres partíos, PSOE, IU, PP, tienen apreciu poles nuestres señes d'identidá o desprécienles? Anque digan que les aprecien, ¿fain dalgo de verdá por elles?

Si les respuestes son positives, hai que volver a votalos, si nun lo son, la pregunta ye:

¿VAS VOLVER VOTALOS?

Y la consideración:

¡¡¡¡NUN XOOODAS!!!