Ehí tienen a don David Villa, magníficu xugador, dende estos díes del Barcelona, enantes del Valencia y del Sporting, siempre de la selección. Y ehí lu tienen diciendo que ye asturianu y que, como talu, nun s'avergoña de decir que fala asturianu y que lu defende, que "da la cara por él". Por ello, al empar que lu felicitamos pol so nuevu fichaxe y que-y deseamos suerte a don David, tanto nel Barça como na selección, agradece-y el so xestu, corrixo, que nun somos quién pa ello, pa agradecé-ylu, reconocé-ylu.Dempués una reflesión:
Siempre que los medios QUE NUN SON ASTURIANOS falen de "El Guaḥe" destaquen mui especialmente'l so compromisu con la llingua asturiana, por exemplu:
Avui:
Villa dóna la cara
Radio Catalunya:
La cara ocultada de David Villa
y esto, nun ye un cosa "catalana" o recién d'esti añu 2010:
Ya pasó l'añu pasáu, cola prensa madrileña :
Los orígenes de David Villa, un defensor del bable: de una familia minera a un paso de fichar por el Real Madrid
y na inglesa:
David Villa returns the conquering hero only to play the villain
¿Y equí? ¿Qué nos pasa? ¿Tamos toos inmersos nel complexu que se manifestó estos díes atrás en don Juan Ramón Lucas y en Radio Nacional? Porque sobre'l so apoyu al asturianu, equí, silenciu dafechu, cortina d'opacidá informativa.
Gracies, paisanu. Quier decise: gracies, "Guaḥe", porque yes tou un paisanu.
No hay comentarios:
Publicar un comentario