Acabo de comprar, mirar y lleer esta magnífica Guía de los bosques de Asturias, un estupendu y remanable manual p'andar pelos bosques, porque consta de dos partes, una guía xeneral d'árboles y una guía específica de cada bosque concretu de les principales viesques asturianes. Too ello, magníficamente fecho y con clares y detallaes desplicaciones y semeyes que lo complementen. El llibru tien 287 páxines y ta editáu por Trea.Por cierto, el llibru téngolu dedicáu por ún de los autores, Tomás Emilio Díaz, amigu, al que nun volvía a ver dende que tuviéramos en Monte la Reina faciendo les milicies. D'aquella yá lloviera (y xarazara, y orpinara, y mugara, y tronara, y vinieren abrigaes y nortiaes, y...)
No hay comentarios:
Publicar un comentario