Berta Piñán

Ayer, vienres, taba yo pescando en pedreru La Isla y vi pasando perriba, pel camín al borde la mar, un grupu de persones, una de les cuales paecíame Berta Piñán, persona amiga y permagnífica poetisa. Mirela, miróme, entrugámosnos si yéramos los que yéramos y cruzamos unes palabres de saludu y cariñu. Alcordeme entós d'un estupendu poemariu suyu, Temporada de pesca, tan a propósitu del momentu, y traigo equí güei un poema d'ella.

DE LES AGÜES VENCÍES

Un tiempu de palombares altos trainos l’iviernu

y les figales



Lleguen voces del ríu: ya la señardá de les agües

vencíes, del to suañu la savia fresca.



Un rustru busques con vocación de patria,

una solombra de cuerpos u xorrecer la to boca



y les dolces pallabres más allá, perallá

cuandu la ñeve grita.



Erma ta la viña, tierra blanca que soterrará

el to nome de recielles y herba,



pero nun tornes a casa, amenórguense los díes

y apáguense d’esmenu los llumes y los cantos.