Por fin parez que se pon en camín la residencia de xente mayor de Llastres, pola que tanto tiempu vienen trabayando delles asociaciones llastrines y munchos vecinos. Vamos esperar agora que la cosa antaíne, que nun quede nos papeles y que, una vegada qu'entamen les obres, nun tarden cien años n'acabase y que nun lleve otros cien l'amueblamientu, la dotación de personal y l'apertura del serviciu.
De momentu, norabona a les asociaciones llastrines que tantu delidiaren y a tolos llastrinos.
Y agora, a mete-y l'obleru al Gobiernu pa que, además de subinos los impuestos, faga daqué bien fecho con ellos y antaíne a facelo.
1 comentario:
A min lo que nun m'entra na cabeza ye como pue ser que nesti país heba xente que glaye al altu la lleva qu'en Catalunya "impón" el catalán nos rétulos de los negocios catalanes, nel etiquetáu...etc (había que mirar con rigor si eso ye verdá) pero cómo col vinu Cangas nun se pue etiquetar un palu n'asturianu (esclusivamente); etiquetando lo gordo en castellán.
Vamos, yo quixera que daquién me lo esplicara. Porque acabo ver les noticies de RTPA y dan la noticia, sí, pero si fora qu'en Catalunya nun sé qué, diba ser una noticia sensacionalista, mariella, y de xuru que bien nos diba tufar per un tiempu. Pero a la inversa ye una comedia
Publicar un comentario