Tolos díes apaecen "bones noticies" nos medios, pesie a que la "noticia" por escelencia nos medios ye la mala noticia.La penúltima selmana de xunu apaeció una bona noticia, de mena científica, arreyada a la Universidá asturiana: la de que l'equipu de López Otín acaba de derromper y topar una vía d'investigación pa trestornos del equilibriu y del vértigu.
Al través de les investigaciones con ratones, que tienen como cabeza principal a Guillermo Mariño, relacionen dellos trestornos d'orientación y equilibriu con un xen que regulan una de les proteases que regula l'autofaxia (un procesu implicáu nel mantenimientu celular), l'autofaxina.Ñidiamente, el monte acaba de derrompese y queden por esplorase munches siendes nesa estaya, pero'l camín promete ser granible.
Sobre señalar, otra vegada, que siempre hai bones noticies y sorrayar qu'ún siéntese arguyosu de qu'estes coses asocedan al abellugu la nuestra Universidá, ún quier apuntar tamién que lo importante, al final, ye convertir la ciencia básica y la investigación n'industria y negociu. Y ehí ta tamos perlloñe de la escelencia.
No hay comentarios:
Publicar un comentario