O corexes vacies. Porque, si tien trabayu, si nun ye de los cinco millones d'españoles que tán en paru, ye fácil que-y tengan conxelao o baxao'l sueldu. Eso si nun ta nuna empresa que nun-y paga al día o que-y va retrasando los pagos, que de tou hai.
Y pa enriba, agora llega'l Gobiernu col primeru de los recortes nel nuestru bolsu a base d'impuestos: l'IVA xeneral y el reducíu pa toos, que en dalgunos casos nun van tener trescendencia pal ciudadanu común, porque lu van comer, polo menos de momentu, dalgunes empreses; pero que van tenela inevitablemente nos precios continxentaos y nos suministros: l'IVA va repercutir inmesericorde nel teléfonu, na llume, nel agua, na gasolina, etc. Probablemente, por esti procedimientu, -y venga a quitar a vusté unos trescientos euros (más)al añu.
¿El responsable? Toles crisis internacionales que quedramos, pero, sobre tou, esti Gobiernu, el del PSOE, responsable de la política económica de los caberos seis años y d'un marafundiu continuu del dineru.
Yá saben: el Gobiernu de los trabayadores, especialmente de los que convirtió en paraos. El Gobiernu de los que menos tienen, porque yá fizo él tolo posible por quitá-yoslo.
No hay comentarios:
Publicar un comentario