Nuna hora... en Llugones

Recuerden la puente sobre la carretera xeneral AS-266 en Los Peñones (Llugones) que costó unos 3 millones de €uros (por nun mencionar los xuicios aún pendientes por espropiaciones, daños, desperfectos, ...), que nun llegó a tar conectáu con ninguna carretera, y pola qu'enxamas circularon coches:

Hai unos meses (diez años dempués de la so construcción) foi derribada (ensin estrenar) y con un nuevu presupuestu d'unos 3,5 millones d'€uros fízose una rotonda que se va inagurar güei dientru d'una hora (a les 13:30):


Miren bien la invitación repartía por miles en tolos buzones de la rodiada, y miren tamién la semeya superior.

Dempués de más de 10 años, dempués de más de 6 millones gastaos nestos pocos metros de terrén, dempués de varios gobiernos, conseyeros, alcaldes y conceyales (del PSOE, IU y PP)... vean cómo respeten la toponimia qu'ellos mesmos aprobaron (ver BOPA) y comprueben como cumplen la Llei 1/98 (con 12 años en vigor).

Nun me digan que'l cartel de diseñu nun ye una faltosada a la Llei, y nun me digan que la invitación (repartía por miles en tolos buzones de la rodiada) nun ye un despreciu a la toponimia y a la más mínima educación y respetu a llexislación vixente.

Si faen esto en coses tan clares, visibles y evidentes ....

Como curiosidá, pa otru día ya esplicaré por qué cambiaron esta mesma selmana (a les prises y corriendo) l'indicador nuevu que teníen ya puesto. Y que yera esti:



Y nun piensen que'l cartel/escultura de diseñu de la semeyea superior ye daqué provisinal, asina yera enantes de poner les florines p'Areces (ayer):