El 11/01/2011, el ministru Fomento, don José Blanco, seguíu d'una riestra de miembros más PSOE más llarga qu'una riestra formigues destrás d'un chochu d'azúcare, punxo puntu intermediu a la obra d'ampliación d'El Musel.
¿Por qué puntu intermediu?
Vamos recordar, de mano, que la obra d'El Musel nun fue una obra pacifica: La idea inicial de los entamadores fue la d' allongar más de lo que, al final s'allongó, l'espigón esterior (la llamada "Variante 3-C"), hasta Les Amosuques, un poco siguiendo'l rastru d'aquella propuesta de finales de los cuarente de cerra tola concha xixonesa con un espigón que fuese hasta San Llorienzo de la Mar, esto ye, hasta La Provindencia.
A esa propuesta, amenada pola Autoridá Portuaria y sofitada pol PSOE y por Areces, opusímonos unos pocos xixoneses, principalmente'l PAS, pol so impactu ma playa y, polo tanto, nun importante vector económicu, cultural y d'ociu pa los xixoneses, la playa San Llorienzu.Fue, too hai que decilo, al final Álvarez-Cascos, entós ministru de Fomento, el que con bon criteriu recortó'l proyectu inicial, d'alcuerdu colo que nós veíamos manifestando. Con too y con ello, l'impactu l'ampliación dende l'Oriente y hasta'l centru la sablera de San Llorienzu sigue siendo brutal.
No hay comentarios:
Publicar un comentario