Los verdaderos espertos del metrotrén opinen...

Una de les coses pa les que me sirve FACEBOOK, ye pa siguir l'actualidá del metrotrén (recuerden EQUÍ como entamaba la hestoria nel añu 2003).

Efectívamente, ellí en FACEBOOK creóse va tiempu un grupu d'estudiu y seguimientu de les obres del metrotrén de Xixón, llegando a la conclusión de que la inactividá, el silenciu y secretismu que rodea estes obres nos caberos años ye consecuencia de la importante colonia de zombis qu'añeró cuantayá nel tunel.

Namás lleer les declaraciones del ministru de Fomentu José Blanco (prometiendo re-entamar les obres, que costarán más que l'ampliación d'El Musel) corrí a lleer les esplicaciones de los espertos en "Los zombis del tunel del metrotrén de Xixón" y estes son les principales conclusiones/reacciones:

En rempuesta a les recientes declaraciones del ministru de Fomentu acerca de les sos intenciones de terminar el metrotrén, los zombis, que ya tienen oyíu esa cantinela varies vegaes, reaccionaron fundando un "club de fumadores de habanos" y una peña sportinguista "Nacho Cases".

El motivu del anunciu del ministru pa entamar les obres nos tuneles del metrotrén, ye que lo acaben d'alquilar pa rodar los nuevos capítulos de "Walking Dead".

Y pa finar, otru espertu señala mui acertadamente que la dotación presupuestaria mencionada pol ministru ta mal calculada, y que inevitablemente les obres conllevarán sobrecostes porque na inversión anunciada pol ministru nun ta contemplada la partida destina a comprar un nuevo túnel para los actuales usuarios.

Pueden siguir l'actualidá d'esti tema nel grupu FACEBOOK "Los zombis del tunel del metrotrén de Xixón"