La Universidá Asturiana y la Cántabra anden al rodapiellu con proyectos esperimentales p'aprovechar les foles y les marees y obtener enerxía d'elles. Pa entamar dalgún d'esos proyectos parez yá haber zones marines escoyíes, cuatru en concretu -dempués d'un procesu d'escoyedura previa- na costa asturiana. Además d'esos oxetivos arreyaos a la producción d'enerxía y al so tresporte, ta pensándose que les instalaciones sofiten tamién otros proyectos, como l'acuicultura marina.
A ún allégra-y que la Universidá Asturiana, en concretu, al través del Campus d'Escelencia Internacional, amene y empobine esos proyectos y espera que, al final, cuayen en inversiones concretes y estructures productives d'enerxíes renovatibles; y que, en tou casu, nun sean sólo una fonte de subvenciones pa los entamadores y los bancos, sinón un conxuntu d'instalaciones rentables per se.
No hay comentarios:
Publicar un comentario