El blog de Xuan Xosé: Inflación: toós más probes

Somos todos más probes.

Un 3% por cientu subió la inflación. De mou y manera que, solo por esi parámetru, usté ye un 3% más probe, el so sueldu o pensión da pa un 3% menos, salvo si vusté tien trabayu y un conveniu qu'arreye les subides salariales a la inflación pasada, o si vusté ye pensionista d'aquellos a los que, al final del añu, se-yos revisa la pensión. Y, además, con un 4% menos de capacidá adquisitiva na so factura de gas. Y si viaxaba pela RENFE nel tren normal o pel AVE, un 3,1% o un 2,3% menos neses ringleres. Y si tienen una hipoteca van pagar por ella unos 17 euros más al mes. Y falta por que-yos suban, otra vegada, el tabacu, si fumen, o les bebides, si anden pelos chigres o tomen un vinu en casa. ¡Y la gasolina, que nun para de dir pa enriba!

Y, pa mayor desconsuelu, vusté tien que saber que eso del 3% nun ye satamente verdá. Eso yelo si vive en Lleón o en Granada, porque, si vive n'Asturies, a vusté subió-y la inflación un 3,2%, o sea, que ye más probe que'l so vecín gallegu o lleonés. ¡Estupendo!

Perdieren esti añu, si lo recuerden, un 19% na so partida pa char gasolina al coche (esto ye, les mesmes perres dan-yos pa un 19% menos de combustible) y un 23% pa cha-y gasoleu.

Eso, pa entendenos, si tien empléu. Que si nun lo tien les coses van peor. Y si ta en paru y yá se-y acabara o ta a puntu acabase nun digamos ná.

Y si ye funcionario, perdió ente un 3% y un 8%, yá pa tola vida. Otra vegada: mermó-y el sueldu un 8% o un 3% pa hasta que se xubile o muerra.

De mou y manera que ya lo saben: Si tienen salariu e ingresos y son del común de los mortales (esto ye, si nun pueden treslladar les perdes a lo que venden o a los servicios que presten), son más probes per casi toles esquines. Y nun escaezan la invisible frada del 3,2% de la inflación.

Los responsables: en gran medía, el PSOE (non Zapatero nin el so gobiernu, el PSOE). Y, equí, n'Asturies, el PSOE e IU, esos dos grandes provocadores de fanes económiques y argayos sociales.