PROGRAMA ELECTORAL: invitación a participar (ast.)

Poco a poco, vamos dir dando equí retayos del nuestru programa electoral. Pa que lu conozan los asturianos, pero tamién pa que fagan, si-yos peta, les sos aportaciones y pa que discutan o maticen, si-yos pruye, les medides que queremos tomar. Nel so día, nes páxines d'Unión Asturianista, del PAS y d'URAS, vamos dir tamién asoleyando los programes autonómicu y municipal.

POLÍTICA ECONÓMICA Y DE CRECIMIENTU

OXETIVU: 500.000 PERSONES OCUPAES

L'oxetivu cimeru de la política y la economía asturiana ha ser el llegar a les 500.000 persones ocupaes, única forma de que tengamos garantizáu nel futuru un empléu abondosu, una economía bayurosa y unos salarios prestosos, y pa que too ello, al mesmu tiempu, permita una meyor sanidá, la tutela les pensiones, les inversiones, la educación, la innovación y la modernidá del país.

COLA VISTA CLISADA NESI FIENSU DEL MEDIU MILLÓN DE PERSONES OCUPAES HAN TRAZASE TOLOS OXETIVOS Y AFILVANASE TOLES POLÍTIQUES.