Por desgracia, cada vez peor.

Y recordando l'ésitu les nuestres polítiques d'empléu ...

                  



El paru sigue subiendo y los puestos de trabayu esfaraguyando. Nel últimu trimestre de 2010, el númeru d'ocupaos amenorgó en 138.600 persones (-0,75%), lo que significa que nos últimos tres meses del añu pasáu esbarrumbaren de media 1.506 empleos al día, según los datos de la Encuesta de Población Activa (EPA) qu'asoleyó'l xueves 27 l'Instituto Nacional de Estadística (INE). El númeru total de persones empleaes ye de 18.408.200. Nel total de 2010, esboroñaren 237.800 empleos, cinco vegaes menos que l'añu anterior, nel que se perdieren 1.210.800 puestos. Nel 2008 los empleos qu'espaecieren fueron dalgo más de 600.000.

El paru subió en 370.100 persones en 2010 respecto a 2009, un 8,5% más, algamando'l númeru total de desempleaos en 4.696.600 persones y la tasa paru nel 20,33%, cifra 1,5 puntos superior a la del añu anterior, lo que ye un rexistru récord, tanto de paraos como de la tasa paru dende'l 2001 -en series comparatibles- o dende 1997, en series non comparatibles.

N'Asturies el paru subió en 11.000 persones, un 16,08% más que en 2009, colo qu'el númeru total de paraos algama les 79.600 persones, mentantu la tasa paru algama'l 16,67%. EL LLECTOR ATENTU YA ALVIERTE QU'EL CRECIMIENTU DEL DESEMPLÉU DOBLÓ N'ASTURIES EL PORCENTAXE DEL CONXUNTU D'ESPAÑA.

Quiciabis recuerden vustedes unes palabres de Zapatero (del PSOE, en realidá) nun fai más d'un añu. Tán ende: "POR MALAS QUE SEAN NUESTRA CIFRAS DE PARO SIEMPRE SERÁN MENORES, EN CUALQUIER CASO, QUE LAS PEORES QUE SE DIERON EN TIEMPOS DEL PP".

Pues ensin querer decir qu'el PP lo fexo perbién, merez la pena sorrayar que les males cifres de paru del PSOE solo son comparatibles coles del PSOE, del mesmu mou y manera que la incapacidá pa crear empléu de PSOE e IU y de la so capacidá pa destruilu ye ná más comparatible cola de PSOE e IU pa dambes coses.

Y nun taría de más recordar que, durante'l gobiernu Marqués, y al través de los pactos presupuestarios PAS-Marqués, CREÁRENSE 20.000 PUESTOS DE TRABAYU Y EL NÚMERU DE PARAOS LLEGÓ A LA CIFRA MÁS BAXA DENDE 1980, CIFRA QUE NUN VOLVIÓ ALGAMASE DURANTE TOL PERÍODU POSTERIOR DE GOBIERNU DEL PSOE N'ASTURIES.

UN DATU MÁS DE LA SOLVENCIA PA LOS ASTURIANOS DE LA UFIERTA ELECTORAL UNIÓN URAS-PAS.