Yá sé que nun se verá nada, pero pido ausiliu. Ayer, vienres 10, hacia les 6 de la tarde, na plaza'l Pryca, de Xixón, había tres páxaros como ésti. Paecen a primera vista ñerbatos o miruelles, pero nun lo son. Anque son de color prietu, nel pechu vése-yos los mesmos círculos que tienen los tordos, y la so capa ye llixeramente marrón, pero como si tuviese toa entafarrada de carbón, esto ye, intúyese'l marrón (y vense los círculos) embaxu'l prietu.La semeya ta sacada dende'l coche, sobre la marcha, dempués de dar cuatro vueltes pa poder garrar más cerca a los tres páxaros y xuntos, pero nun fui pa ello.
Pídese ausiliu: ¿quién sabe qué triba de ñerbatos son estos?, ¿qué páxaru será aquel?, como diz la canción de Sinforiano de la Vega
6 comentarios:
Los otros dos nun sé qué seríen, pero'l páxaru de la semeya ye una fema de ñerbatu. Una ñerbata, vaya.
Pero..., atestongo: ¿Con círculos nel pechu y un color pardu marronizu debaxu de la capa prieta d'enriba (visibles tanto'l pardu como los círculos)?
Estorninos, Xuan, son estorninos. Y yá se sabe dende Antón que l'estornín ye un animal "porfiáu". Ta medrando la población dende va yá más d'una década y vense perdayures en sitios poblaos.
Qué va ser eso un estornín, Xelu del alma... Nun tien nin la forma nin la traza derecha de los estorninos posaos. Eso ye una fema de ñerbatu o miruellu, coime. Por si val de comparanza, mirái estos dos semeyos de ñerbates:
http://farm1.static.flickr.com/180/472384725_d8289e0240.jpg?v=0
http://upload.wikimedia.org/wikipedia/commons/2/2c/Turdus_merula_female_(d1).jpg
A siguir bien.
Meca, n'ampliando la semeya y chisgando los güeyos tengo que reconocer que va tener usté razón, Herr von Vögel. Acepto ñerbata pa esi páxaru. Cegóme la descripción un tantu aquel de Xuan de los páxaros que taba viendo y reafírmome no dicho: Na foto vese una ñerbata pero los otros dos o tres que vio dende'l coche seguro que yeren estorninos...
Sí, hom... Seriola...
Publicar un comentario