Un dos por cientu, polo menos, de la inflación, salvo si vusté tien trabayu y un conveniu qu'arreye les subides salariales a la inflación pasada, o si vusté ye pensionista. Y, además, con un 4% menos de capacidá adquisitiva na so factura de gas. Y si viaxaba pela RENFE nel tren normal o pel AVE, un 3,1% o un 2,3% menos neses ringleres. Y si tienen una hipoteca van pagar por ella unos 17 euros más al mes. Y falta porque-yos suban, otra vegada, el tabacu, si fumen, o les bebides, si anden pelos chigres o tomen un vinu en casa.
Perdieren esti añu, si lo recuerden, un 19% na so partida pa char gasolina al coche (esto ye, les mesmes perres dan-yos pa un 19% menos de combustible) y un 23% pa cha-y gasoleu.Eso, pa entendenos, si tien empléu. Que si nun lo tien les coses van peor. Y si ta en paru y yá se-y acabara o ta a puntu acabase nun digamos ná.
De mou y manera que ya lo saben: Si tienen salariu e ingresos y son del común de los mortales (esto ye, si nun pueden treslladar les perdes a lo que venden o a los servicios que presten), son más probes per casi toles esquines. Y nun escaezan la invisible frada del 2% de la inflación.
Los responsables: en gran medía, el PSOE (non Zapatero nin el so gobiernu, el PSOE). Y, equí, n'Asturies, el PSOE e IU, esos dos grandes provocadores de fanes económiques y argayos sociales. Toos ellos, ¡cómo non!, nel nome del pueblu, de los trabayadores, de los asalariaos y de los que menos tienen. Más valdría que nun ficieren tanto por nós.
No hay comentarios:
Publicar un comentario