Creo qu'hai poques coses que decir. Esti gobiernu (PSOE e IU, que nun se-y escaeza a nadie, qu'IU anda amatagada y paez que nun ta nel gobiernu) aprobó colos presupuestos del 2010 (esto ye, a finales del 2009), los mecanismos pa regularizar na enseñanza la carrera profesional de la que yá disfruten la xente de la sanidá (en tolos tramos) y los de l'alministracion xeneral (en dalgún). Agora, yá, caminando pa finar el 2010, la cuestión nun solo nun ta iguada, sinón que se pasó per aquel episodiu escandalosu de la falta d'informe del Conseyu Escolar, que fizo que'l Conseyu Consultivu rechazase'l testu.Pasaren otros dos meses y nun hai un solu movimientu. Ye más, nun de ningún mou se puede solucionar la cosa enantes de finales d'añu y ye fácil que nun se faga enantes de febreru, si ye que se fai dalgún día o si ye que los enseñantes nun tienen que devolver toles perres recibíes (los que les recibieren) o quedar ensin elles los que non s'incorporaren nel so momentu. Que, a lo meyor, ye d'eso de lo que se trata.
¡Vaya gobiernu d'ineptos!
¡Vaya despreciu a los ciudadanos y, especialmente, a los sos votantes y afiliaos!
¡Vaya despreciu a los ciudadanos y, especialmente, a los sos votantes y afiliaos!
No hay comentarios:
Publicar un comentario